Baha'i-Rubavu: Barasaba urubyiruko guhamya Ukwemera bafite

Báb wavutse yitwa Sayyed ʻAlí Muḥammad Shírází , yavutse ku itariki 20 Ukwakira 1819. Yavukiye i Shiraz ho muri Iran. Yishwe arashwe n’abasirikare, ahowe Imana ku itariki 9 Nyakanga 1850. Uyu nguyu mu idini ry’Ababaha’i afatwa nk’umuntu ukomeye cyane kuko iri zina rye Bab risobanuye irembo. Uyu kubaho kwe kwateguraga ukuza no kubaho kw’Intumwa y’Imana Baháʼu'lláh.

Tariki icyenda z’Ukwezi kwa Nyakanga buri mwaka ku isi hose Ababaha’i bibuka banazirikana iby’uru rupfu rwa Bab.

Mu Karere ka Rubavu Ababaha’i baho nabo bateranye bongera kwibukiranya iby’amateka ye ndetse banatanga inyigisho zishimangira ko buri wese akwiye gukomera mu Kwemera kugira ngo isi ibe nziza. Aha niho bahereye bahamagarira urubyiruko gufata iya mbere mu guhamya ukuri n’Ukwemera bafite bashize amanga.Ibi birahura n’uko Bab nawe yitangaje ndetse atangira gukorera Imana ari umusore muto.

Ababaha’i ba Rubavu bamaze iminsi bakora ibiterane byatangiye mu kwezi kwa Gicurasi 2022 bigamije kwereka abantu inzira nyakuri, gukorera Imana no kwimakaza umuco wo kubana mu mahoro.

Niba hari icyo mwifuza kumenya kirenze, mwahamagara cyangwa mukandika kuri izi nimero zikurikira: + 250 788590588, + 250 788438300.

E-mail : aslbahai.gisenyi@yahoo.fr Mukomeze kugira ibihe byiza aho muri hose.

KANDA HANO UKURIKIRE ANDI MAKURU Y'ABAHA'I KU ISI

BAHA'IS DE RUBAVU TV

Comments

Rubavu bizihije isabukuru y'imyaka 200 Intumwa y'Imana Báb amaze avutse

Kimwe n’abandi bose ku isi, Ababaha’I bo mu Rwanda by’umwihariko mu Karere ka Rubavu nabo kuri uyu wa 30 Ukwakira 2019 bizihije isabukuru y’imyaka 200 intumwa y’Imana Báb ,wateguraga ukuza kwa Bahá’u’lláh , amaze avutse. Abo mu madini yose bari bahawe ikaze muri uyu munsi mukuru nk’uko idini ry’Ababaha’i ryimakaza ihame ry’ubumwe bw’amadini. Báb wavutse mu mwaka 1819, iri zina risobanura irembo. Nyirabasabose Priscilla, umwe mu bemera b’idini rya Kibaha’I I Rubavu, avuga ko bishimira uburyo ubutumwa Báb yifuzaga gusakaza ku isi benshi bamaze kubumenya kuri ino nshuro ndetse ko n'aho butaragera bakomeje gahunda yo kubusakaza.

Ukwigobotora : [Iyi nyandiko mu «Ibonekerwa rya Bahá'u willáh, Umubumbe wa kabiri, Andrinople 1863-68» ya Adib Taherzadeh, imp. 34-41.]

Muri Nyandiko ye(Igisigo) Bahá'u'lláh agaruka ku mbaraga z’Ibonekerwa kandi yemeza ko binyuze muriyo umuntu ashobora kugira urwego rwiza ruri hejuru mu migenzereze myiza y’ukwemera. Yahamagariye abamwemera guharanira kugera ku rwego bamuhindukirira bafite imitima itanduye hamwe n’ubwitange, hanyuma bakitandukanya n'ibintu byo mu isi. Muri nyinshi mu nzandiko ze Bahá'u'lláh yavuze ko ikintu gikomeye umuntu yagezeho ari ukwitandukanya na byose bisigasira Ubumana. Ubugingo bushobora kubona kwizera no gutera imbere kugana Imana kugeza aho butandukaniye n’iyi si. Ariko kwigobotora akenshi byumvwa nabi kandi bigafatwa nkaho ari ukwanga isi. Amatsinda menshi y’abantu bakunda kuba mu bigo by’abihaye Imana cyangwa ibigo bisa nabyo, bibwira ko imikorere nk’iyi izamura urwego rw’ukwemera kwabo. Inyigisho za Bahá'u'lláh zirwanya rwose ibi. Urugero, mu nyandiko ye ya kabiri kugeza kuri Napoleon III, Bahá'u'lláh abwira abihayimana muri aya magambo at...

INKURU YO MURI IKI GIHE IBABAJE KANDI ITEYE AGAHINDA. IGICE CYA 1

Niba ikimenyetso kigaragara cy’ukuri kw’Intumwa y’Imana gituruka ku bushobozi bw’ingaruka zayo ku bantu, nta na rimwe icyo kimenyetso kigeze kiboneka mu mateka y’Amadini ari ku isi ngo gihwane n’icyatanzwe na BAB na BAHA’U’LLAH. Idini Baha’I imaze imyaka irenga ijana na mirongo ine gusa, nyamara ryakwiriye ku isi yose. Mu mijyi myinshi n’imidugudu, abayoboke b’amadini yose, bemeye ko ari cyo cyuzuzo cy’ibyiringiro byabo by’ingenzi n’umwanzuro w’ibyasezeranijwe n’amadini yabo bwite. Mu gutera imbere kw’abantu, buri gihe amateka arongera akagaruka. Tubona ibihe biba ibindi.Ibihe byo kugwa n’ibihe by’ikuzo. Ni ko bigenda mu mateka y’amateka. Ibihe birasimburana.Ukwemera kwa Baha’I ntiguhinyuza iryo tegeko ubwo, Ali Muhamadi (1819-1850) yemezaga umuyisilamumu mugoroba wok u wa 23 Gicurasi 1844. I Shirazi (u Buperusi) ko ari we wasezeranijwe bavuze mu buhanuzi n’inyandiko za kera, Yatangaje igihe cy’isozwa ...

Bahá’is de Rubavu

Search This Blog