Skip to main content

AMAJYAMBERE Y’ISI YOSE: UBUMWE BW’IMANA N’UBUMWE BW’ABAHANUZI BAYO


“ Menya nta gushidikanya ko Abahanuzi muri kamere yabo ari umuntu umwe rukumbi. Ubumwe bwabo buruzuye. Imana Umuremyi iravuga iti : “ Nta tandukanyirizo na rimwe mu Ntumwa zanjye kuko bose bafite umurimo umwe ugamije ikintu kimwe ndetse n’ibanga ry’umwe ni ryo banga ry’abandi…”


“…Izo ndorerwamo zisukuye, iyo Miseso y’Ikuzo rya kera, zose nta kurobanura  ni zo zihagarariye ku isi uwo ibintu byose bishingiyeho. Ni bo mutungo w’ubuhanga bw’Imana, Abiru b’ubushishozi Bwayo… Kubera ihishurwa ry’ayo Mabuye y’agaciro k’imigenzo y’Imana, amazina yose n’imico y’Imana nka : ubumenyi , ubushishozi, ubuganji, ububasha,impuhwe,ubwitonzi, ikuzo, ingabire n’ubugwaneza byagaragaye. Iyo migenzo y’umwihariko y’Imana ubwayo ntiyigeze ihabwa bamwe mu Bahanuzi ngo abandi bayibure…”.

“…Nyamara ibyagiye bihishurwa n’Abahanuzi b’Imana ku isi bigomba gutandukana. Buri wese yahawe ubutumwa bwe bwite kandi akaba ashinzwe kumenyekanisha ibikorwa bizwi. Biragaragara ko ubunyurane bw’urumuri Abahanuzi bazana budakomoka k’urwo rumuri , ahubwo bukomoka ku buryo budasa buri gihe isi ihora ihinduka irwakirana. Buri Muhanuzi… aherwa hamwe n’ubutumwa bwe, umurimo wo gukora icyamuzanye kandi akabikora mu buryo buhuje n’igihe abonekamo…”.
“…Abahanuzi b’Imana ni abaganga bafite umurimo wo kongera imibereho myiza ku isi no ku bayituye, kugira ngo, bakoresheje umwuka w’ubumwe, bavure indwara z’abantu batatanye… Muri ibyo nta gitangaza kirimo niba uwo muganga ukomoka ku Mana atanze umuti udahuje n’uwo yatanze kera…”.
BAHA’U’LLAH

“… Amadini yose ashingiye ku ngingo imwe. Ayo madini yose ashingiye ku kuri.Uko kuri ntikwemera amacakubiri, nyamara mu bantu havutse amakimbirane mu byerekeye Intumwa z’Imana. Bamwe ni Abazorowasitiri, abandi ni Ababudha,Abayuda, Abakirisitu, Abayisilamu n’abandi…
Ibyo byatumye haba kutumvikana kandi inyigisho z’iyo Mitima itunganye yahimbye amadini, ari zimwe muri kamere no mu kuri…”.

“Iyo Mitima yose yayobye abantu mu butungane ariko ntibyabujije amahanga menshi gukurikiza  uburyo bwinshi bwo gusenga no gukurikiza imihango y’abakurambere. Kubera ko ubwo buryo bunyuranye n’inyigisho nyakuri kandi za ngombwa z’Intumwa z’Imana, havutse ubwumvikane buke kandi no kwishishanya biriyongera…”
ABDUL’L-BAHA.

Comments

Post a Comment

Popular posts from this blog

Rubavu bizihije isabukuru y'imyaka 200 Intumwa y'Imana Báb amaze avutse

Kimwe n’abandi bose ku isi, Ababaha’I bo mu Rwanda by’umwihariko mu Karere ka Rubavu nabo kuri uyu wa 30 Ukwakira 2019 bizihije isabukuru y’imyaka 200 intumwa y’Imana  Báb ,wateguraga ukuza kwa  Bahá’u’lláh , amaze avutse. Abo mu madini yose bari bahawe ikaze muri uyu munsi mukuru nk’uko idini ry’Ababaha’i  ryimakaza ihame ry’ubumwe bw’amadini. Báb  wavutse  mu mwaka 1819, iri zina risobanura irembo. Nyirabasabose Priscilla, umwe mu bemera b’idini rya Kibaha’I  I Rubavu, avuga ko bishimira uburyo ubutumwa  Báb  yifuzaga gusakaza ku isi benshi bamaze kubumenya kuri ino nshuro ndetse ko n'aho butaragera bakomeje gahunda yo kubusakaza.
Post a Comment
Read more

Ukwigobotora : [Iyi nyandiko mu «Ibonekerwa rya Bahá'u willáh, Umubumbe wa kabiri, Andrinople 1863-68» ya Adib Taherzadeh, imp. 34-41.]

    Muri Nyandiko ye(Igisigo)   Bahá'u'lláh agaruka   ku mbaraga z’Ibonekerwa kandi yemeza ko binyuze muriyo umuntu ashobora kugira urwego rwiza ruri hejuru mu migenzereze myiza y’ukwemera. Yahamagariye abamwemera   guharanira kugera ku rwego bamuhindukirira bafite imitima itanduye hamwe n’ubwitange, hanyuma bakitandukanya n'ibintu byo mu isi. Muri nyinshi mu nzandiko ze Bahá'u'lláh yavuze ko ikintu gikomeye umuntu yagezeho ari ukwitandukanya na byose bisigasira   Ubumana. Ubugingo bushobora kubona kwizera no gutera imbere kugana Imana kugeza aho butandukaniye n’iyi si. Ariko kwigobotora akenshi byumvwa nabi kandi bigafatwa nkaho ari ukwanga isi. Amatsinda menshi y’abantu bakunda kuba mu bigo by’abihaye Imana cyangwa ibigo bisa nabyo, bibwira ko imikorere nk’iyi izamura urwego rw’ukwemera kwabo. Inyigisho za Bahá'u'lláh zirwanya rwose ibi. Urugero, mu nyandiko ye ya kabiri kugeza kuri Napoleon III, Bahá'u'lláh abwira abihayimana muri aya magambo at...
Post a Comment
Read more

INKURU YO MURI IKI GIHE IBABAJE KANDI ITEYE AGAHINDA. IGICE CYA 1

     Niba ikimenyetso kigaragara cy’ukuri kw’Intumwa y’Imana gituruka ku bushobozi bw’ingaruka zayo ku bantu, nta na rimwe icyo kimenyetso kigeze kiboneka mu mateka y’Amadini ari ku isi ngo gihwane n’icyatanzwe na BAB na BAHA’U’LLAH.      Idini Baha’I imaze imyaka irenga ijana na mirongo ine gusa, nyamara ryakwiriye ku isi yose. Mu mijyi myinshi n’imidugudu, abayoboke b’amadini yose, bemeye ko ari cyo cyuzuzo cy’ibyiringiro byabo by’ingenzi n’umwanzuro w’ibyasezeranijwe n’amadini yabo bwite.      Mu gutera imbere kw’abantu, buri gihe amateka arongera akagaruka. Tubona ibihe biba ibindi.Ibihe byo kugwa n’ibihe by’ikuzo. Ni ko bigenda mu mateka y’amateka. Ibihe birasimburana.Ukwemera kwa Baha’I ntiguhinyuza iryo tegeko ubwo, Ali Muhamadi (1819-1850) yemezaga   umuyisilamumu mugoroba wok u wa 23 Gicurasi 1844. I Shirazi (u Buperusi) ko ari we wasezeranijwe bavuze mu buhanuzi n’inyandiko za kera, Yatangaje igihe cy’isozwa ...
Post a Comment
Read more