UBUGINGO NYUMA Y’URUPFU

Baha’u’llah yatwigishije ko ubuzima bwo kuri iyi si bwagombye kurebwa nk’aho ari umwiteguro w’ubugingo tuzagira nyuma y’urupfu rw’umubiri.Roho ntipfa, ahubwo ikomeza kubaho mu yindi si itaboneka y’Imana. Niba roho yarabayeho ku isi ikurikiza inyigisho z’Imana, izakomeza kubaho ku buryo bwuzuye nyuma y’urupfu, niba yarabayeho mu buryo bunyuranyije n’ugushaka kw’Imana, nyuma y’urupfu ubuzima bwayo ntibuzaba bwuzuye, ahubwo buzaba bumeze nk’ubw’umwana wavutse ari impumyi,igipfamatwi cyangwa ikiragi.

Abdul’l-Baha aravuga ati:

“N’ubwo urupfu rusenya umubiri,nta bubasha rufite kuri roho kuko roho y’umuntu ihoraho iteka nta kuvuka nta no gupfa.Ku byerekeye roho y’umuntu,iguma mu rwego rw’ubutungane yari yagezemo mu buzima bwo ku isi kandi igihe imaze gutandukana n’umubiri yibira mu Nyanja z’imbabazi z’Imana.”

Haifa,Israel

Nta juru cyangwa umuriro bibaho, ahubwo ijuru ni ukwegera Imana naho umuriro ni ukuba kure y’Imana.Abdu’l-Baha asobanura ko: “Ibihembo byo mu yindi si ari amahoro, inema z’ubutungane n’ingabire zinyuranye za Roho mu Bwami bw’Imana; Kugera ku byifuzo by’umutima n’ibya Roho, no guhura n’Imana mu isi zihoraho. Naho ibihano byo mu zindi si ni ukutabona imigisha yihariye n’ubugwaneza buhamye. No kujya hasi mu rwego rw’imibereho.Uwanyazwe ubwo buntu bw’Imana, nubwo akomeza kubaho nyuma y’urupfu,aba ameze nk’umupfu mu maso y’abantu b’ukuri.

Baha’u’llah ubwe aravuga ati:

“Menya mu by’ukuri ko roho iyo imaze gutandukana n’umubiri ikomeza kujya mbere kugeza igihe igereye imbere y’Imana mu rugero no mu rwego imyaka n’amasekuruza cyangwa impanuka zo ku isi bidashobora guhungabanya.Izakomeza igihe cyose Ingoma y’Imana , Ubuganji Bwayo,Ubutegetsi Bwayo,n’Ububasha Bwayo bizabaho”. Urupfu narugize Intumwa y’ibyishimo byawe,kuki ubabaye?”.

Comments

Rubavu bizihije isabukuru y'imyaka 200 Intumwa y'Imana Báb amaze avutse

Kimwe n’abandi bose ku isi, Ababaha’I bo mu Rwanda by’umwihariko mu Karere ka Rubavu nabo kuri uyu wa 30 Ukwakira 2019 bizihije isabukuru y’imyaka 200 intumwa y’Imana Báb ,wateguraga ukuza kwa Bahá’u’lláh , amaze avutse. Abo mu madini yose bari bahawe ikaze muri uyu munsi mukuru nk’uko idini ry’Ababaha’i ryimakaza ihame ry’ubumwe bw’amadini. Báb wavutse mu mwaka 1819, iri zina risobanura irembo. Nyirabasabose Priscilla, umwe mu bemera b’idini rya Kibaha’I I Rubavu, avuga ko bishimira uburyo ubutumwa Báb yifuzaga gusakaza ku isi benshi bamaze kubumenya kuri ino nshuro ndetse ko n'aho butaragera bakomeje gahunda yo kubusakaza.

Ukwigobotora : [Iyi nyandiko mu «Ibonekerwa rya Bahá'u willáh, Umubumbe wa kabiri, Andrinople 1863-68» ya Adib Taherzadeh, imp. 34-41.]

Muri Nyandiko ye(Igisigo) Bahá'u'lláh agaruka ku mbaraga z’Ibonekerwa kandi yemeza ko binyuze muriyo umuntu ashobora kugira urwego rwiza ruri hejuru mu migenzereze myiza y’ukwemera. Yahamagariye abamwemera guharanira kugera ku rwego bamuhindukirira bafite imitima itanduye hamwe n’ubwitange, hanyuma bakitandukanya n'ibintu byo mu isi. Muri nyinshi mu nzandiko ze Bahá'u'lláh yavuze ko ikintu gikomeye umuntu yagezeho ari ukwitandukanya na byose bisigasira Ubumana. Ubugingo bushobora kubona kwizera no gutera imbere kugana Imana kugeza aho butandukaniye n’iyi si. Ariko kwigobotora akenshi byumvwa nabi kandi bigafatwa nkaho ari ukwanga isi. Amatsinda menshi y’abantu bakunda kuba mu bigo by’abihaye Imana cyangwa ibigo bisa nabyo, bibwira ko imikorere nk’iyi izamura urwego rw’ukwemera kwabo. Inyigisho za Bahá'u'lláh zirwanya rwose ibi. Urugero, mu nyandiko ye ya kabiri kugeza kuri Napoleon III, Bahá'u'lláh abwira abihayimana muri aya magambo at...

INKURU YO MURI IKI GIHE IBABAJE KANDI ITEYE AGAHINDA. IGICE CYA 1

Niba ikimenyetso kigaragara cy’ukuri kw’Intumwa y’Imana gituruka ku bushobozi bw’ingaruka zayo ku bantu, nta na rimwe icyo kimenyetso kigeze kiboneka mu mateka y’Amadini ari ku isi ngo gihwane n’icyatanzwe na BAB na BAHA’U’LLAH. Idini Baha’I imaze imyaka irenga ijana na mirongo ine gusa, nyamara ryakwiriye ku isi yose. Mu mijyi myinshi n’imidugudu, abayoboke b’amadini yose, bemeye ko ari cyo cyuzuzo cy’ibyiringiro byabo by’ingenzi n’umwanzuro w’ibyasezeranijwe n’amadini yabo bwite. Mu gutera imbere kw’abantu, buri gihe amateka arongera akagaruka. Tubona ibihe biba ibindi.Ibihe byo kugwa n’ibihe by’ikuzo. Ni ko bigenda mu mateka y’amateka. Ibihe birasimburana.Ukwemera kwa Baha’I ntiguhinyuza iryo tegeko ubwo, Ali Muhamadi (1819-1850) yemezaga umuyisilamumu mugoroba wok u wa 23 Gicurasi 1844. I Shirazi (u Buperusi) ko ari we wasezeranijwe bavuze mu buhanuzi n’inyandiko za kera, Yatangaje igihe cy’isozwa ...

Bahá’is de Rubavu

Search This Blog